Victor Young

Victor Young
Biografía
Nacemento	(en) Albert Victor Young ; 8 de agosto de 1900 ; Chicago, Estados Unidos de América
Morte	10 de novembro de 1956 (56 anos); Palm Springs, Estados Unidos de América (pt)
Causa da morte	hemorraxia cerebral
Lugar de sepultura	Hollywood Forever Cemetery (pt)
Actividade
Ocupación	compositor, violinista, compositor de bandas sonoras, líder de banda, director de orquestra, compositor de cancións, actor
Período de actividade	1920 -
Membro de	Victor Young & His Orchestra
Instrumento	Violín e piano
Selo discográfico	Decca Records
Obra
Arquivos en	Universidade Brandeis ;
Premios
	(1955) Academy Award for Best Original Dramatic or Comedy Score (en) , premiado polo traballo A volta ao mundo en oitenta días; Paseo da Fama de Hollywood; estrela no Paseo da Fama de Hollywood ;

Victor Young, nado en Chicago (Illinois) o 8 de agosto de 1900 e finado en Palm Springs (California) o 10 de novembro de 1956^[1]^[2] foi un compositor, violinista e director de orquestra estadounidense.

Traxectoria

Young naceu nunha familia de músicos, pois o seu pai foi membro da compañía de ópera de Joseph Sheehan. Comezou a tocar o violín aos seis anos e mandárono a Polonia con dez anos para quedar co seu avó e estudar no Conservatorio Imperial de Varsovia. Estudou piano con Isidor Philipp en París e sendo un adolescente iniciou unha carreira como violinista de concertos coa Filharmónica de Varsovia.

En San Petersburgo coñeceu o tsar Nicolao, que quedou tan impresionado que lle deu moitos regalos, mais o seu éxito acabou coa revolución. Foi perseguido polos bolxeviques, e foi condenado a morte. Tras unha fuxida chegou a Varsovia, logo a París e por fin aos Estados Unidos.^[3]

Volveu a Chicago en 1920 e uniuse á orquestra do Central Park Casino. Marchou logo aos Ánxeles coa súa moza polaca, atopando traballo como violinista para Sid Grauman e logo con Paramount-Publix Theatres. Tras volver a Chicago volveu a Hollywood a mediados da década de 1930 onde se concentrou no seu traballo cinematográfico e compoñendo para cantantes populares como Bing Crosby. Entre as súas cancións destacaron "When I Fall In Love", "Moonlight Serenade (Summer Love)" e "My Foolish Heart".

Young finou en Palm Springs (California por mor dunha hemorraxia cerebral aos 56 anos. Gañou postumamente o Oscar á mellor banda sonora.

Filmografía

Anything Goes (1936)
The Big Broadcast of 1937 (1936)
Artists and Models (1937)
The Gladiator (1938)
Golden Boy (1939)
For Whom the Bell Tolls (1943)
The Uninvited (1944)
Love Letters (1945)
So Evil My Love (1948)
The Emperor Waltz (1948)
The Paleface (1948)
Samson and Delilah (1949)
Our Very Own (1950)
My Favorite Spy (1951)
Payment on Demand (1951)
O home tranquilo (1952)
Scaramouche (1952)
Something to Live For (1952)
Raíces profundas (1953)
The Country Girl (1954)
A Man Alone (1955)
Written on the Wind (1956)
A volta ao mundo en oitenta días (1956, gañador póstumo do Oscar á mellor banda sonora)
Omar Khayyam (1957)
China Gate (1957, finalizada polo seu amigo Max Steiner)

Notas

↑ "Victor Young, Composer, Dies of Heart Attack", Oakland Tribune, 12 de novembro de 1956.
↑ Slonimsky, Nicolas (1978). "Young, Victor". En Schirmer Books. Baker's Biographical Dictionary of Musicians (6th ed.). Nova York. p. 1929. ISBN 0028702409.
↑ "A New Jewish Violin Genius" Arquivado 03 de marzo de 2016 en Wayback Machine., Daily Jewish Courier, 14 de outubro de 1920.

Véxase tamén

Ligazóns externas

Victor Young Collection of Television Music. UCLA. Performing Arts Special Collections, findaid.oac.cdlib.org.
Victor Young na IMDb (en inglés).
Victor Young Collection en Brandeis University

[oak-1] "Victor Young, Composer, Dies of Heart Attack", Oakland Tribune, 12 de novembro de 1956.

[Baker's_Bio-2] Slonimsky, Nicolas (1978). "Young, Victor". En Schirmer Books. Baker's Biographical Dictionary of Musicians (6th ed.). Nova York. p. 1929. ISBN 0028702409.

[3] "A New Jewish Violin Genius" Arquivado 03 de marzo de 2016 en Wayback Machine., Daily Jewish Courier, 14 de outubro de 1920.

[1]

[2]

[3]